- Advertisement -

भारतीय महिला संघाची इंग्लडवर 8 विकेट्सने मात, 2-1ने मालिका विजयी

0 215

नागपूर | शेवटच्या एकदिवसीय सामन्यात भारतीय महिला संघाने इंग्लडवर 8 विकेट्सने मात करत तीन एकदिवसीय सामन्यांच्या मालिकेत 2-1 असा विजय मिळवला.

इंग्लडच्या 201 धांवाचा पाठलाग करण्यास मैदानात उतरलेल्या भारतीय महिला संघाने 45 व्या षटकांतच दोन विकेट्स गमावत लक्ष्य पुर्ण केले. भारताच्या डावाची सुरुवात काहीशी अडखळतच झाली. सुरुवातीची जोडी 7 व्या षटकातच माघारी परतली.

त्यानंतर आलेल्या मिताली राजने सर्वाधिक नाबाद 74 धावा करत डाव सावरला. तर दिप्ती शर्माने नाबाद 54 धावा व स्म्रिती मानधनाने 53 धावा करत संघाच्या विजयात महत्वाचा वाटा उचलला.

त्याआधी, प्रथम फलंदाजीसाठी मैदानात उतरलेल्या इंग्लड संघाने 50 षटकांत 9 विकेट्स गमावत 201 धावा केल्या. इंग्लडतर्फे अँमी जोन्सने सर्वाधिक 94 तर हेथर नाईटने 36 धावा केल्या. भारतातर्फे राजेश्वरी गायकवाड, दिप्ती शर्मा, झुलन गोस्वामी व पुनम यादवने प्रत्येकी दोन बळी घेत संघाला विजय मिळवून दिला.

दिप्ती शर्माला सामनावीर व स्म्रिती मांधनाला तिच्या उत्कृष्ट कामगिरीसाठी मालिकावीर पुरस्काराने सन्मानीत करण्यात आले.

Comments
Loading...
%d bloggers like this: