एमएस धोनीला मास्टर ब्लास्टरने दिल्या खास शुभेच्छा !

0 54

सध्या भारतीय क्रिकेटमध्ये सर्वांच्या नजरा जर कोणत्या खेळाडूवर असेल तर तो आहे भारताचा माजी कर्णधार एमएस धोनी. तब्बल २९९ वनडे सामने खेळणाऱ्या या खेळाडूच्या एकूणच कामगिरीवर चाहते, क्रिकेट विश्लेषक, निवड समिती सदस्य लक्ष ठेवून आहे.

मास्टर ब्लास्टर सचिन तेंडुलकरलाही धोनीच्या या ३००व्या सामन्याचे वेध लागले आहे. धोनीच्या नेतृत्वाखालीच मास्टर ब्लास्टरचे २०११ चा विश्वचषक जिंकण्याचे स्वप्न साकार झाले होते.

आज आपला तोच कर्णधार ३०० वा वनडे सामना खेळत असल्यामुळे सचिनकडून शुभेच्छा येणे अपेक्षितच होते. सचिनने दिलेल्या खास संदेशात तो म्हणतो, ” ३००व्यांदा वनडे सामन्याची कॅप घालणं ही खास गोष्ट आहे. अपेक्षा आहे की आजचा सामना तुझ्यासाठी खास ठरेल. #Dhoni300″

आज हा हा महान खेळाडू ३००वा वनडे सामना खेळणार आहे. याबरोबर अशी कामगिरी करणारा तो जगातील २०वा तर ६वा भारतीय खेळाडू बनणार आहे.

सचिन तेंडुलकर(४६३), राहुल द्रविड (३४४), मोहम्मद अझरुद्दीन(३३४), सौरव गांगुली(३११) आणि युवराज सिंग(३०४) या खेळाडूंनी यापूर्वी ३०० सामने खेळले आहेत. चितगावला २३ डिसेंबर २००४ साली बांगलादेश संघाविरुद्ध वनडे पदार्पण करणाऱ्या या खेळाडूला त्यामुळे अनेक खेळाडूंचे संदेश आले आहेत.

Comments
Loading...
%d bloggers like this: